საპარლამენტო უმრავლესობის წევრის, ხათუნა ოჩიაურის შეფასებით, განათლების ეროვნული ცენტრის დირექტორის თანამდებობას ხატია დეკანოიძე წარმატებით წარუძღვება.

როგორც ჟურნალისტებს ოჩიაურმა განუცხადა, დეკანოიძე პოლიციის აკადემიის ხელმძღვანელი და კარგი მენეჯერი იყო და თუ როგორი როგორი წარმატებით მუშაობს პოლიციის აკადემია, ამას ყველა ნათლად ხედავს.

მისი თქმით, განათლების სისტემის პოლიტიკას განათლების სამინისტრო და მინისტრი აყალიბებენ.

„დეკანოიძეს ამ სისტემის მუშაობის გაგრძელება მოეთხოვება, ანუ მენეჯმენტი. ის კარგი მენეჯერია, რაც სხვა უწყებაში მუშაობის დროს დაამტკიცა“, - დასძინა დეპუტატმა.

Internet.ge