ვენესუელის მეთაური საპრეზიდენტო კანდიდატად კიდევ ერთხელ დარეგისტრირდა არჩევნებში, რომელიც 7 ოქტომბერს გაიმართება. ამის შესახებ, ეროვნული საარჩევნო კომისიის ხელმძღვანელმა ტიბისაი ლუსენამ განაცხადა.

ლუსენას თქმით, განაცხადი 5-6-მა ადამიანმა შეიტანა, მათ შორის ამჟამინდელმა პრეზიდენტმა და მისმა მთავარმა კონკურენტმა - ოპოზიციური ბლოკის „დემოკრატიული ერთობის“ ერთიანმა კანდიდატმა და მირანდას შტატის გუბერნატორმა ენრიკე კაპრილესმა.

კანდიდატთა რეგისტრაცია 11 ივნისამდე გაგრძელდება.

საზოგადოებრივი აზრის უკანასკნელმა გამოკითხვამ აჩვენა, რომ 57 წლის პრეზიდენტს მხარს მოსახლეობის 50,7% უჭერს, მის უპირველეს კონკურენტს, 39 წლის კაპრილესს კი - 45,5 %.

internet.ge