ამერიკის შეერთებული შტატების სახელმწიფო მდივანი ჰილარი კლინტონი კავკასიური ტურნეს ფარგლებში საქართველოს დღეს ეწვევა.

კლინტონის თვითმფრინავი ბათუმის საერთაშორისო აეროპორტში დღის მეორე ნახევარში, დაახლოებით 20:00 საათის შემდეგ დაეშვება.

ცნობილია კლინტონის ოფიციალური შეხვედრების სავარაუდო განრიგიც.

5 ივნისს  კლინტონი ბათუმში, აშშ-საქართველოს სტრატეგიული პარტნიორობის კომისიის პლენარულ სესიას გახსნის.

ამასთან დაგეგმილია კლინტონისა და საქართველოს პრეზიდენტის აუდიენციაც, რის შემდეგაც ლიდერები მედიისთვის განცხადებებს გააკეთებენ.

საქართველოდან აშშ-ს სახელმწიფო მდივანი აზერბაიჯანში გაემგზავრება და საქართველოს მსგავსად ქვეყნის პირველ პირებს შეხვდება. 

ბაქოდან კლინტონი თურქეთში გაემართება და კონტრტერორიზმის საკითხებისადმი მიძღვნილ კონფერენციას დაესწრება. შეხვდება ქვეყნის ხელისუფლების წარმომადგენლებს.

internet.ge