ამ წუთებში, პარლამენტში, ოპოზიციონერი დეპუტატი ჯონდი ბაღათურია „ამნისტიის შესახებ“ კანონპროექტს პატიმართა ოჯახის წევრებსა და არასამთავრობო ორგანიზაციების წარმომადგენლებს აცნობს.

როგორც ჟურნალისტებს ბაღათურიამ განუცხადა, მის მიერ მომზადებული ცვლილებები პატიმართა მასშტაბურ ამნისტიას შეეხება. კერძოდ, სისხლის სამართლის პასუხისმგებლობისგან უნდა გათავისუფლდნენ – 273–ე მუხლით მსჯავრდებული პირები, რომელიც ნარკოტიკების მოხმარებას შეეხება, ასევე 260–ე მუხლის პირველი ნაწილით გასამართლებული ადამიანები. ხოლო 260–ე მუხლის მეორე ნაწილით გასამართლებულებს სასჯელი უნდა გაუნახევრდეთ.

დეპუტატის თქმით, ამნისტია ასევე ხულიგნობისა და იარაღის უკანონო შენახვის მუხლებით გასამართლებულ ადამიანებს უნდა შეეხოთ.

„ბობოხიძე პარლამენტში წარუმატებლად ცდილობს ხულიგნობა ჩაიდინოს, ასეთი საქციელისთვის კი, ათასობით ადამიანი  სასჯელს იხდის, შესაბამისად, ბობოხიძე არავის გაუსამართლებია. არც ერთ მძიმე დანაშაულის მუხლს ამნისტია არ უნდა შეეხოს“, – დასძინა მან.

internet.ge