საპარლამენტო უმარვლესობის წევრის, გივი თარგამაძის შეფასებით, რუსეთის დაინტერესების მიუხედავად, სომხეთისა და აზერბაიჯანის ხელისუფლებამ საკუთარი სახელმწიფოების უსაფრთხოებაზე უნდა იფიქრონ და საომარი მოქმედებები არ დაუშვან.

როგორც ჟურნალისტებს თარგამაძემ განუცხადა, ქართული მხარე წარმოქმნილი კონფლიქტის აღმოფხვრას შეეცდება. 

მისი თქმით, ამ ქვეყნების ხელისუფალთ არსებული სიტუაციის გააზრებისას, კიდევ უფრო მეტი წინადახედულობა და თავშეკავებულობა მართებთ.

„საქართველომ საკუთარ თავზე გამოცადა, რომ როდესაც ერთ-ერთი დაინტერესებული მხარე რუსეთია, მისგან ნებისმიერი ნაბიჯი არის მოსალოდნელი, მათ შორის საომარი მოქმედებებიც. ამ ორი ქვეყნის ყველა კეთილისმსურველს აქვს სურვილი, რომ კონფლიქტი მშვიდობიანად დარეგულირდეს და არა ომის გზით, რაც რეგიონისთვის დამღუპველი იქნება“, - დასძინა მან.

internet.ge