დღეს, "ქართული ოცნება" ქუთაისში აქციას გამართავს. 6 სთ-ზე ქუთაისის მერიის მიერ შეთავაზებულ ალტერნატიულ ადგილას, დავით აღმაშენებლის ძეგლის მიმდებარე ტერიტორიაზე კოალიციის მხარდამჭერები შეიკრიბებიან.

შეგახსენებთ, რომ „ქართულ ოცნებას“ ქუთაისში მხარდამჭერი აქციის ჩატარება 7 ივნისს სურდა, თუმცა ქალაქში დაგეგმილი ღონისძიებების გამო, კოალიციას ალტერნატიული ადგილი ბალახვანის მოედანზე შესთავაზეს.

კოალიციის წევრებმა კი, ხელახლა გაავრცელეს განცხადება, სადაც ნათქვამი იყო, რომ  ისინი აქციას 7 ივნისის ნაცვლად 9 ან 10 ივნისს გამართავენ:

„თავდაპირველად აქციის გამართვა ცენტრალურ მოედანზე 7 ივნისს გვინდოდა და ამასთან დაკავშირებით, მერიას თხოვნით მივმართეთ. პასუხად მივიღეთ ცნობა, რომ ამ პერიოდში აღნიშნულ ადგილას თეატრალური ფესტივალი იმართებოდა. შემდეგ იყო შეთავაზება, აქცია 9-10 ივნისს გაგვემართა, რაზეც ისევ უარი გვითხრეს და ალტერნატიული ფართი შემოგვთავაზეს. ბოლოს კი განაცხადეს, რომ 11-დან 15 ივნისდამდე შეგვეძლო ნებისმიერ ადგილას გაგვემართა შეკრება, თუმცა ჩვენ მაინც მივიღეთ გადაწყვეტილება, რომ აქცია 10 ივნისს ასსაფეხურიანი კიბის ირგვლივ ჩავატაროთ,“ - განაცხადა ჟურნალისტებთან საუბრისას ბიძინა ივანიშვილის პრესსპიკერმა მაია ფანჯიკიძემ.

Internet.ge