საფრანგეთის საპარლამენტო არჩევნების პირველ ტურში ფრანსუა ოლანდის ‘’სოციალისტურმა პარტიამ" და მისმა მოკავშირეებმა გაიმარჯვეს.

მემარცხენეებმა და ‘’მწვანეთა პარტიამ" მთლიანობაში ხმათა 46% მიიღეს, ხოლო ‘’მემარჯვენე-ცენტრისტულმა კავშირმა" - 34%.

მოსახლეობის აქტივობა ხმის მიცემისას არც ისე მაღალი იყო. 46 მილიონი ამომრჩევლიდან ხმის მისაცემად მხოლოდ 57% გამოცხადდა. 

არჩევნების მეორე ტური მომდევნო კვირაში გაიმართება. დეპუტატები ქვედა პალატაში 577 ადგილისთვის იბრძოლებენ.

როგორც ადგილობრივი მედია წერს, საკანონმდებლო ორგანოს დაკომპლექტებაზე ბევრადაა დამოკიდებული ოლანდის მიერ დაპირებული რეფორმების მასშტაბები და სიჩქარე.

internet.ge