საქართველოს საგარეო საქმეთა მინისტრი გრიგოლ ვაშაძე დღეს, ნატოს გენერალურ მდივნის სპეციალურ წარმომადგენელს სამხრეთ კავკასიასა და ცენტრალურ აზიაში, ჯეიმს აპატურაის შეხვდა.

შეხვედრა, საგარეო საქმეთა სამინისტროში გაიმართა. ვაშაძის შეფასებით, მხარეებმა ჩიკაგოს სამიტზე და მიღწეულ შედეგებზე ისაუბრეს.

მინისტრის თქმით, ქვეყანა ალიანსთან მუშაობას აგრძელებს, რადგან ნატო საქართველოს საგარეო პოლიტიკური ურთიერთობების ერთ-ერთ მთავარ ფაქტორად რჩება.

„ვერავინ და ვერაფერი შეძლებს საქართველოს საზოგადოების, ქართული სახელმწიფოს გადაწყვეტილების შეცვლას - საქართველო ალიანსის სრულუფლებიანი წევრი გახდეს. ჩვენ კი, ალიანსთან მუშაობას ვაგრძელებთ, რადგან ნატო საქართველოს საგარეო პოლიტიკური ურთიერთობების ერთ-ერთ მთავარ ფაქტორად რჩება“,- განაცხადა ვაშაძემ.

internet.ge