ნატოს გენერალური მდივნის სპეციალურმა წარმომადგენელმა, სამხრეთ კავკასიასა და ცენტრალურ აზიაში, ჯეიმს აპატურაიმ, ქართველ დეპუტატებთან გამართულ შეხვედრაზე, საქართველო–ნატოს მომავალ ურთიერთობებზე ისაუბრა.

აპარტურაი საქართველოს საკანონმდებლო ორგანოში, დახურულ კარს მიღმა პარლამენტის თავმჯდომარე დავით ბაქრაძეს, საგარეო ურთიერთობათა კომიტეტის თავმჯდომარე აკაკი მინაშვილსა და ოპოზიციონერებს – გურამ ჩახვაძესა და ლევან ვეფხვაძეს შეხვდა.

შეხვედრის დასრულების შემდეგ, აპატურაიმ ქართველ ჟურნალისტებთან კომენტარი არ გააკეთა.  

როგორც ჟურნალისტებს მინაშვილმა განუცხადა, აპატურაისთან შეხვედრაზე ისაუბრეს ჩიკაგოს სამიტის შემდეგ, თუ როგორ გაგრძელდება საქართველო–ნატოს ურთიერთობა, სადაც ქვეყანამ სერიოზულ წარმატებას მიაღწია.

„სამიტზე, ჩვენ გვაღიარეს, როგორც ასპირანტი სახელმწიფო“, – დასძინა მან.

internet.ge