საერთაშორისო საზოგადოებამ უნდა გააძლიეროს ზეწოლა სომხეთზე იმის გამო, რომ ერევანმა უარი თქვას თავის საოკუპაციო პოლიტიკაზე - განაცხადა საუდის არაბეთის საგარეო საქმეთა მინისტრის მოადგილემ პრინცმა ხალედ ბენ საუდ ბენ ხალედმა - იუწყებაქ გამოცემა „ტრენდი“.

ხალედის თქმით, „აზერბაიჯანმა მიიღო ყველა ზომა და მასზე დამოკიდებული ყველა გადაწყვეტილება მთიანი ყარაბაღის კონფლიქტის დასარეგულირებლად. მოცემულ ეტაპზე საერთაშორისო საზოგადოებამ უნდა გააძლიეროს ზეწოლა ერევანზე - ამ კონფლიქტის გადასაჭრელად“.

პრინცის თქმით, საუდის არაბეთი ყარაბაღის კონფლიქტში ყოველთვის უჭერდა მხარს აზერბაიჯანს, რადგანაც „სამართალი და სიმართლე აზერბაიჯანის მხარესაა. მთელი მსოფლიო აღიარებს, რომ აზერბაიჯანული მიწები ოკუპირებულია სომხეთის მიერ და ეს უსამართლობა უნდა შეწყდეს“ - აღნიშნა მან.

ხალედმა ასევე განაცხადა, რომ კონფლიქტის გადაჭრისთვის ყველაზე მისაღებია დიპლომატიური გზა.

„აუცილებელია აუხსნან სომხეთს, რომ ვიდრე ის აგრძელებს აგრესიას აზერბაიჯანის წინააღმდეგ, ის იზოლაციაში იქნება ბევრი მუსულმანური ქვეყნის მიერ, რაც თავად ქვეყანას და რეგიონს ავნებს“ - დასძინა ხალედმა.

internet.ge