უკრაინის ახალ სამხედრო დოქტრინასა და ნაციონალური უსაფრთხოების სტრატეგიაში,  რომელსაც ვიქტორ იანუკოვიჩმა ხელი 8 ივნისს მოაწერა, უკრაინა ოფიციალურად აცხადებს, რომ არ აპირებს შეუერთდეს იმ ქვეყნების რიცხვს, რომლებმაც 2008 წლის აგვისტოში აფხაზეთისა და სამხრეთ ოსეთის დამოუკიდებლობა აღიარეს.

დოკუმენტის ერთ-ერთ პუნქტში ხაზგასმითაა აღნიშნული, რომ უკრაინა გეგმავს მხარი დაუჭიროს საერთაშორისო ძალისხმევას, რომელიც მიმართულია რეგიონის სახელმწიფოების ტერიტორიებზე თვითაღიარებული წარმონაქმნების სტატუსის ლეგიტიმაციის წინააღმდეგ.

უკრაინის ახალი სამხედრო დოქტრინა საკმაოდ კონფრონტაციულია რუსეთის მიმართაც. კერძოდ, მასში ნათქვამია, რომ რუსეთს, უკრაინის უფლების გარეშე აღარ ექნება სევასტოპოლში განთავსებული შავი ზღვის ფლოტის თვითნებურად გამოყენების უფლება მესამე ქვეყნების წინააღმდეგ და ასეთ შემთხვევაში კიევის თანხმობა იქნება საჭირო. წინააღმდეგ შემთხვევაში, მოსკოვის ქმედება აღქმული იქნება, როგორც რუსეთის მზადება უკრაინის წინააღმდეგ ომისათვის.

Internet.ge