საქართველოს პრეზიდენტის, მიხეილ სააკაშვილის შეფასებით, წელს
საქართველოში ყველაზე რთველი ყველაზე კარგად ჩატარდება და უკეთესი მოსავალი იქნება ვიდრე
იგეგმებოდა.
როგორც დღეს, ყვარელში ყოფნისას პრეზიდენტმა განაცხადა, ბაზრები უფრო
მეტად გაიხსნა ვიდრე ადრე და წელს 15 მილიონი ბოთლით მეტი ღვინო გავა ექსპორტზე.
„ტურიზმის გამო შიდა ბაზარი გაიზარდა და გასაღების პრობლემა არ
იქნება. ახლა მიმდინარეობს მოლაპარაკება ქარხნებთან, რომ შევეცადოთ შესყიდვის
ფასები მაქსიმალურად გაიზარდოს. ცოდნის გაუმჯობესებით ჩვენ შეგვიძლია უკეთესი ვითარება
გვქონდეს და ამიტომ საჭიროა ახალი მეთოდები დაინერგოს“- განაცხადა სააკაშვილმა.
საქართველოს პრეზიდენტი დღეს, ყვარელში თავის კარ-მიდამოში
იმყოფებოდა, სადაც მეზობლებთან ერთად საკუთარი ვენახი შეწამლა.
internet.ge
