ზუგდიდის სასამრთლომ „თავისუფალი დემოკრატების“ წევრს, სერგო ჩაჩიბაიას 4 წლითა და 6 თვით თავისუფლების აღკვეთა მიუსაჯა. ამის შესახებ „ინტერნეტ.ჯი“- ს ბრალდებულის ადვოკატმა შალვა შავგულიძემ განუცხადა.

შეგახსენებთ, რომ ზუგდიდის პოლიციამ "თავისუფალი დემოკრატების" წევრი 27 მარტს იარაღის უკანონო ტარებისა  პოლიციისთვის წინააღმდეგობის გაწევის ბრალდებით დააკავა.

ჩაჩიბაიას დაკავების ფაქტს უკვე გამოეხმაურა პარტიის ლიდერი ირაკლი ალასანია და აღნიშნა, რომ მისი თანაგუნდელი პოლიტ-პატიმარია.

„მალე სერგო ჩაჩიბაიას ადგილს ისინი დაიკავებენ, ვინც კანონზე მაღალა ნაციონალური მოძრაობის ინტერესს აყენებენ."- განაცხადა ირაკლი ალასანიამ პოლიტიკური კოალიცია "ქართული ოცნების" წევრის სერგო ჩაჩიბაიას სასამართლო პროცესის დასრულების შემდეგ.

Internet.ge