ივანიშვილის პრესსპიკერის მაია ფანჯიკიძის ინფორმაციით, ქუთაისსა და ახმეტაში კოალიციის მხარდამჭერებზე ზეწოლა განხორციელდა.
ფანჯიკიძის განცხადებით, სხვადასხვა სტრუქტურებისა და პოლიციის თანამშრომლები მათ წევრებს, “ქართული ოცნების” მხადაჭერაზე უარისთქმისკენ მოუწოდებენ.
“ახმეტაში რეგიონული ოფისის გახსნის შემდეგ ჩვენს ოცამდე მხარდამჭერს პოლიციისა და სხვადასხვა სტრუქტურის თანამშრომლებმა მიაკითხეს და ზეწოლითა და მუქარით ცდილობდნენ, მათთვის კოალიციის მხადაჭერაზე უარი ეთქმევინებინათ. იგივე განმეორდა ქუთაისშიც. მერიის თანამშრომლები ჩვენს მხადამჭერებს, რომლებიც გაზეთებს არიგებდნენ, თავს დაესხნენ და გაზეთები წყალში გადაუყარეს. ჩვენი ერთ-ერთი მხადამჭერის ბუბა ჩივაძის განცხადებით, ისინი ქუთაისის მერიის თანამშრომლები იყვნენ, ადგილობრივი მერია კი, ამ ინფორაციას არ ადასტურებს”,- განაცხადა ფანჯიკიძემ.
მისი თქმით, აღნიშნული ფაქტი, ხელისუფლების შიშისა და ნერვიულობის გამოხატულებაა.
Internet.ge
