პარლამენტის დიასპორისა და კავკასიის საკითხთა კომიტეტის თავმჯდომარის, ნუგზარ წიკლაურის შეფასებით, ქართული მხარე, ხიზრი ალდამოვისგან პროვოკაციულ განცხადებებს ელოდა.

როგორც ჟურნალისტებს წიკლაურმა განუცხადა, მას შემდეგ, რაც ალდამოვმა საკუთარ პოლიტიკურ წარსულზე უარი თქვა, მისგან გასაკვირი არაფერია.

„არ გაგვკვირვებია, როდესაც მან დაიწყო ძალიან ტრივიალური და პრიმიტიული განცხადებების გაკეთება იმასთან დაკავშირებით, რომ თითქოსდა საქართველოში ტერორისტებს ამზადებენ. ეს ძველი სიმღერაა და ეს ჩვენ რუსეთის ხელისუფლების მაღალჩინოსნების მხრიდან ათასჯერ მოგვისმენია. აქედან გამომდინარე, გასაკვირი არ არის, რომ  ალდამოვი, რომელიც დარწმუნებით შემიძლია გითხრათ, რომ სწორედ მათი მითითებებით მოქმედებს, ამ ტიპის განცხადებებს აკეთებს“, – დასძინა მან.

ხიზრი ალდამოვმა განაცხადა, რომ საქართველოს ხელისუფლება იჩქერიის მთავრობის შექმნას აპირებს.

internet.ge