ამერიკელმა სენატორმა ჯონ მაკკეინმა რუსეთი კიდევ ერთხელ გააკრიტიკა. როგორც “The Washington Times” წერს, სენატორის განცხადებით, რუსეთმა 2 სამხედრო გემი და საზღვაო ქვეითი ჯარის ნაწილები გამოყო ტარტუსის პორტში მდებარე საზღვაო ბაზის გასამაგრებლად. ასევე, რუსეთი გემსაწინააღმდეგო და საზენიტო რაკეტებს უგზავნის სირიას, პრეზიდენტ ბაშარ ასადის რეჟიმის დასაცავად.

„ნათელია, რომ ეს უსამართლო ბრძოლაა,“ - აღნიშნა American Enterprise Institute-ში გამოსვლისას მაკკეინმა.

მანამდე, ამერიკის სახელმწიფო მდივანმა ჰილარი კლინტონმა რუსეთი ასადისთვის თავდასხმითი თვითმფრინავების გაგზავნაში დაადანაშაულა. მაშინ რუსულმა მხარემ განაცხადა, რომ მხოლოდ აღადგინა და უკან დააბრუნა სირიისთვის მიყიდული ტექნიკა.

„იმ შემთხვევაშიც კი, თუ ეს ძველი თვითმფრინავები იყო და ასადმა ისინი რუსეთში გაგზავნა, რათა შეეკეთებინათ და სისხლი ჩამოერეცხათ, დიდ განსხვავებას ვერ ვხედავ,“ - აღნიშნა მაკკეინმა. მან მსოფლიოს მოუწოდა, არ გადადონ სირიაში ინტერვენცია, რადგან „რაც უფრო გრძელდება კონფლიქტი, მით უფრო რადიკალიზებული ხდება იგი“.

Internet.ge