ნატო-ს გენერალური მდივნის მოადგილე ალექსანდრ ვერშბოუ საქართველოს ოფიციალური ვიზიტით ეწვევა. ამის შესახებ საქართველოს საგარეო საქმეთა მინისტრის მოადგილემ დავით ჯალაღანიამ დღეს გამართულ ბრიფინგზე განაცხადა.

სამინისტროს წარმომადგენლის თქმით, ვერშბოუ ქვეყანას 28-29 ივნისს ესტუმრება. იგი მონაწილეობას მიიღებს უსაფრთხოების შესახებ კონფერენციაში, რომელიც ბათუმში გაიმართება.

„ეს ვიზიტი საქართველო-ნატო-ს თანამშრომლობისა და საკმაოდ წარმატებული ჩიკაგოს სამიტის გაგრძელებას წარმოადგენს,“ - აღნიშნა ჯალაღანიამ.

მისი თქმით, ვიზიტის ფარგლებში მოლაპარაკებები გაიმართება ISAF-ის პროგრამაში საქართველოს მონაწილეობასთან დაკავშირებით. საუბარი იქნება, ასევე, ავღანეთის ოპერაციებში ქართველი მშვიდობისმყოფელების როლზეც, მათ შორის, 2014 წლის შემდეგაც.

Internet.ge