საქართველოს პრეზიდენტის განცხადებით, ბათუმი განათლების ცენტრი უნდა გახდეს.
როგორც მიხეილ სააკაშვილმა ბათუმის პორტში განაცხადა, სექტემბერში
საქართველოს ახალი ტექნოლოგიური უნივერსიტეტი გაიხსნება.
„უნივერსიტეტის კემპუსები თბილისში, თუმცა ძირითადი
ბათუმში განთავსდება, არსებულ უნივერსიტეტს რაც შეეხება მას განვითარება სჭირდება,
მაგრამ ყველაზე დიდი სასწავლო დაწესებულება აქ და ალბათ, შავიზღვისპირეთში საზღვაო
პროფილის იქნება. ჩვენი მოდერნიზაციის 2015
წლის მოდელით, სამ წელიწადში საზღვაო აკადემია თავისი 15-ათასიანი მსმენელით
საზღვაო განათლების ცენტრი გახდება, საერთო ჯამში, ბათუმში 20-30 ათასი სტუდენტი
ისწავლის“,- განაცხადა მიხეილ სააკაშვილმა.
მისი თქმით, აღნიშნული უნივერსიტეტის გახსნა საზღვაო სეზონის
დასრულების შემდეგაც ხალისს შემატებს ბათუმს.
„საზღვაო აკადემია ზაფხულის შემდეგ სეზონებზე ბათუმს გააოცხლებს და
ენერგიას მისცემს. რაც მთავარია ქალაქს ეკონომიკურ აქტივობას შესძენს ძალიან დიდი
სტუდენტური ჯგუფი, რომლის მთავარი გამაერთიანებელი ღერძი სწორედ ეს აკადემია
იქნება. ჩვენ ამ პოტენციალის ამოწევისთვის ძალიან ბევრი ფული ჩავდეთ. იცით, რომ მძიმე
მემკვიდრეობა გვერგო, ვარშალომიძისა და კარბელაშვილის ხელმძღვანელობით, გავაკეთეთ
ლაბორატორიები და ახალი პროექტები დავიწყეთ, მაგრამ ეს არის მხოლოდ დასაწყისის
დასაწყისი. გპირდებით, რომ ეს იქნება ძალიან მაღალი დონის სასწავლო დაწესებულება“,-
დასძინა სააკაშვილმა.
Internet.ge
