ქალაქ სტამბულში დღეს, თურქეთისა და სერბეთის პრეზიდენტების თანათავმჯდომარეობით, შავი ზღვის ეკონომიკური თანამშრომლობის ორგანიზაციის დაარსების ოცი წლისთავისადმი მიძღვნილი საიუბილეო სამიტი გაიმართება.

საქართველოს დელეგაციას  პრეზიდენტი მიხეილ სააკაშვილი უხელმძღვანელებს.

საგარეო საქმეთა მინისტრის მოადგილის, დავით ჯალაღანიას განცხადებით, საქართველო ამ ორგანიზაციის დამფუძნებელ ქვეყანას წარმოადგენს.

„ორგანიზაციის შექმნის ძირითადი მოტივი და მიზანი იყო შავი ზღვის რეგიონში სტაბილურობის, მშვიდობიანი განვითარების, წარმატებული თანაარსებობის და შავი ზღვის აუზის ქვეყნებს შორის წარმატებული სავაჭრო-ეკონომიკური ურთიერთობების დამყარების ხელშეწყობა, წარმატებული პოლიტიკური და ეკონომიკური თანამშრომლობის მოდელის შექმნა“,- განაცხადა ჯალაღანიამ.

internet.ge