საქართველოში დაგეგმილი საპარლამენტო არჩევნების წინა პერიოდში, აშშ-ს მთავრობა სადამკვირვებლო ჯგუფებს დაეხმარება. ამის შესახებ განცხადება, აშშ-ს ელჩმა საქართველოში ჯონ ბასმა გააკეთა.

მისი თქმით, აშშ-ს მთავრობა ამერიკული ორგანიზაციების საერთაშორისო ინსტიტუტს IRI -ისა და ეროვნულ დემოკრატიულ ინსტიტუტს NDI -ის დააფინანსებს, რათა ხელი შეუწყოს საქართველოში თავისუფალი და სამართლიანი წინასაარჩევნო გარემოს შექმნას და საპარლამენტო არჩევნების საერთაშორისო სტანდარტებით ჩატარებას.

ჯონ ბასმა ასევე განაცხადა, რომ ახალი პროგრამის ამოქმედების შემდეგ აშშ-ს მთავრობის მიერ ადგილობრივი და საერთაშორისო სადამკვრვებლო ორგანიზაციებისთვის გაღებული თანხა 2 მილიონ დოლარს მიუახლოვდება.

მისი განცხადებით, აღნიშნული პროგრამა უზრუნველყოფს ეროვნულ დემოკრატიული ინსტიტუტის სამი გრძელვადიანი დამკვირვებლის ჩამოსვლას ივლისიდან ოქტომბრამდე, ასევე,  IRI -ის 12 გრძელვადიანი დამკვირვებლის ჩამოსვლას სამი თვით ადრე.

საქართველოში არჩევნების დღეს, NDI დამატებით 20, ხოლო IRI 30 დამკვირვებელს გამოგზავნის.

internet.ge