საქართველოს პრეზიდენტი დღეს სახალხო პარტიის ყრილობას, ვილფრიდ მარტენსის პირადი მოწვევით  დაესწრო. სამიტის მუშაობაში მონაწილეობას, ორმოცამდე ქვეყნის ლიდერი, ევროკავშირის და საერთშორისო ორგანიზაციების წარმომადგენლობითი დელეგაციები იღებდნენ.  

ბელგიაში ორდღიანი ვიზიტის ფარგლებში მიხეილ სააკაშვილმა, ევროკავშირის, ევროპარლამენტისა და ევროსაბჭოს მაღალი რანგის წარმომადგენლებთანაც გამართა შეხვედრები. საუბრის ძირითადი თემა საქართველოს შიდა პოლიტიკური მოვლენები, მოახლოებული არჩევნები, რეგიონალური უსაფრთხოება და საქართველო ევროკავშირს შორის არსებულ ურთიერთობებში მიღწეული პროგრესი იყო.

შეხვედრებზე მხარეებმა, საქართველოში გატარებული ეკონომიკური და დემოკრატიული რეფორმების მნიშვნელობაზეც ისაუბრეს და კიდევ ერთხელ გამოხატეს საქართველოსადმი მხარდაჭერა ევროსტრუქტურებში ინტეგრაციის პროცესში. 

ბრიუსელში გამართული შეხვედრების ფარგლებში საქართველოს პრეზიდენტმა კიდევ ერთხელ დაადასტურა  სრული მზაობა, საქართველოში დემოკრატიულ გარემოში ჩატარდეს საპარლამენტო არჩევნები. მიხეილ სააკაშვილის განცხადებით საქართველო მზად არის  რაც შეიძლება მეტი ევროპელი დამკვირვებელი მოიწვიოს  არჩევნებსა და საარჩევნო კამპანიის პერიოდში მონიტორინგის გასაწევად.

საქართველოს პრეზიდენტის ორდღიანი ვიზიტი ბრუსელში დღეს სრულდება.

internet.ge