მექსიკაში ახალი
პრეზიდენტის მოლოდინში არიან. ეგზიტპოლის შედეგების მიხედვით, ოპოზიციის კანდიდატი
ენრიკე პენია ნეტო ხმათა 38%-ით ლიდერობს.
ნეტომ უკვე განუცხადა
მხარდამჭერებს, რომ მისი ინსტიტუციურ-რევოლუციური პარტია ახალ მთავრობაში ძირითადი
მმართველი ძალა გახდება. ეს პარტია ქვეყანას 70 წლის განმავლობაში მართავდა და
პოზიციები მხოლოდ 2000 წელს დათმო.
წინასწარი მონაცემებით,
მეორე ადგილზე მექსიკის ყოფილი მერი, 58 წლის ანდრეს მანუელ ლოპეს ობრადორი გავა,
ხოლო მესამე ადგილს მმართველი „ნაციონალური მოქმედების პარტიის“ 51 წლის
წარმომადგენელი ჟოზეფინა ვასკეს მოტა დაიკავებს.
პარალელურად მიმდინარე
მეხიკოს მერის არჩევნებში მემარცხენეთა კანდიდატი მიგელ ანხელ მანსერა იმარჯვებს.
internet.ge
