რუსეთის დელეგაცია ოკუპირებულ რეგიონებში სოციალურ-ეკონომიკური მიმართულების კურატორის, პუტინის თანაშემწის ტატიანა გოლიკოვასა და რუსეთის უშიშროების საბჭოს მდივნის მოადგილის რაშიდ ნურგალიევის შემადგენლობით, ორი დღის განმავლობაში გამართავს შეხვედრებს და სხვადასხვა ობიექტებს დაათვალიერებს.

გოლიკოვა და ნურგალიევი მარიონეტული რეჟიმის ლიდერსა და ყველა უწყების წარმომადგენელს შეხვდებიან და სოციალურ და ინფრასტრუქტურულ ობიექტებს დაათვალიერებენ - იუწყება ადგილობრივი მედია.

ერთი თვის განმავლობაში რუსეთის უშიშროების საბჭოს მდივნის მოადგილის უკვე მესამე ვიზიტი ცხინვალში ადგილობრივ მოსახლეობაში ეჭვის საფუძველი გახდა. ოფიციალური ინფორმაციით, ნურგალიევი სოციალური საკითხებითაა დაკავებული. ცოტა ხნის წინ გამართულ თათბირზე კი ლეონიდ თიბილოვს იმის მტკიცება მოუხდა, რომ ნურგალიევის გახშირებული ვიზიტები ცხინვალში, „სამხრეთ კავკასიაში დაძაბულობის ესკალაციას არ უკავშირდება“.

internet.ge