საქართველოს პრეზიდენტი, მინისტრთა კაბინეტის წევრებთან ერთად, დღეს ჭიათურის რაიონსა და  სოფელ ხრეითში იმყოფებოდა.

პრეზიდენტი ადგილობრივებს შეხვდა და მათი პრობლემებით დაინტერესდა.

„საქართველოს მთავრობის ახალი შემადგენლობის პირველი სამუშაო დღეა და ისინი კაბინეტებში რომ არ შეხვედროდნენ პირველივე დღეს, დილიდან მოსახლეობასთან შეხვედრებს მართავენ. ისინი ნახულობენ იმ რეალობას, რომელიც არის“,- განაცხადა პრეზიდენტმა.

ქვეყნის პირველი პირი ადგილობრივებს, სოფელში არსებული პრობლემების მოგვარებას დაპირდა.

„სოფლის გზა მინისტრებთან ერთად მანქანით ამოვიარეთ, რომ ენახათ მოსახლეობას სად უწევს ყოფნა. საქართველოში დიდი ნაწილი სკოლების და არა უმრავლესობა, არის გასაკეთებელი. იქამდე კი, სანამ გასაკეთებელი სკოლები არსებობს, ძნელია განათლების რეფორმის ბოლომდე წარმატებულობაზე ისაუბრო. ასევე პრობლემაა წყალი და ეს ყველაფერი უნდა გაკეთდეს. მთავრობამ კი, უნდა დაინახოს ის ზოგჯერ მწარე რეალობა რაც ქვეყანაშია“,- განაცხადა სააკაშვილმა.

internet.ge