საქართველოს ახალმა პრემიერ-მინისტრმა სოფელ ხრეითში მცხოვრებ
მოსახლეობასთან შეხვედრაზე მთავრობის ახალ
პროგრამაზე - „მეტი სარგებელი ხალხს“ ისაუბრა.
ვანო მერაბიშვილის განცხადებით, ბოლო 8 წლის განმავლობაში გატარებულმა
რეფორმებმა მართველ გუნდს შესაძლებლობა მისცა ქვეყნის შემოსავალი გაეზარდა.
„მოგვეცა საშუალება გაგვეზარდა ბიუჯეტი, რომელიც 10-ჯერ აღემატება გასული წლების ბიუჯეტს. დღეს დადგა დრო, რომ გავაკეთოთ ისეთი სიკეთე,
რომელიც ხელშესახები იქნება თითოეული ქართველის ოჯახისთვის. მთავრობას სამი
პრიორიტეტი აქვს: ეს არის ბრძოლა უმუშევრობის წინააღმდეგ, ხელმისაწვდომი ჯანდაცვა
ყველასთვის და სოფლის მეურნეობის განვითარება“,- განაცხადა მერაბიშვილმა.
მისი თქმით სოფელი ქვეყნისთვის მთავარი პრიორიტეტია.
„ვაპირებთ ბიუჯეტის დიდი ნაწილი სოფლის მეურნეობაში ჩავდოთ, რომ
სოფელში დოვლათი შეიქმნას, გაჩნდეს ქონება და გამდიდრდეს სოფელი“,- განმარტა
პრემიერ-მინისტრმა.
ჭიათურაში საქართველოს პრეზიდენტი მიხეილ სააკაშვილი მთავრობის
წევრებთან ერთად იმყოფებოდა.
Internet.ge
