რუსეთის მუდმივი წრმომადგენელი ევროკავშირში ვლადიმერ ჩიჟოვი აცხადებს, რომ თუ ევროკავშირი, აშშ-ის მსგავსად „მაგნიტსკის სიის“ ანალოგიურ დოკუმენტს მიიღებს, ეს ბრიუსელს მოსკოვთან ურთიერთობს „გაუფუჭებს“. ამის შესახებ ჩიჟოვმა EUobserver-თან ინტერვიუში განაცხადა.

მოსკოვი შიშობს, რომ აშშ-ის შემდეგ, ადამიანის უფლებათა დამრღვევი რუსი ჩინოვნიკების მიმართ სავიზო და საბანკო სანქციებს სხვა ქვეყნები და საერთაშორისო ორგანიზაციებიც დააწესებენ.

მაგალითად, დოკუმენტი, სახელწოდებით „მაგნიტსკის რეზოლუცია“ უკვე შეტანილია ეუთოს დღის წესრიგშიც. მისი განხილვა 8 ივლისს მოხდება. 2 ივლისს კი ცნობილი გახდა, რომ ანალოგიური კანონპროექტის განხილვა დღის წესრიგში შეიტანა გერმანიის ბუნდესტაგმაც.

აშშ-ის საერთაშორისო კომიტეტმა „მაგნიტსკის კანონს“ 26 ივნისს დაუჭირა მხარი. თეთრმა სახლმა კი განაცხადა, რომ ის კანონის მიღების მომხრეა.

internet.ge