საქართველოს საგარეო საქმეთა სამინისტრო რუსეთის ფედერაციის კრასნოდარის მხარეში ძლიერი წყალდიდობის შედეგად მრავალრიცხოვანი მსხვერპლის გამო ღრმა მწუხარებას გამოთქვამს.

„საქართველოს საგარეო საქმეთა სამინისტრო დაღუპულთა და დაზარალებულთა ოჯახებსა და ახლობლებს თანაგრძნობას უცხადებს. საქართველო გამოთქვამს მზადყოფნას ნებისმიერი სახის დახმარების აღმოჩენაზე რუსული მხარის შეხედულებისამებრ", - ნათქვამია საგარეო საქმეთა სამინისტროს მიერ გავრცელებულ განცხადებაში.

ყუბანში მომხდარი წყალდიდობის შედეგად გარდაცვლილთა რიცხვი 170-მდე გაიზარდა.

ბოლო მონაცემებით, წყალდიდობამ კრასნოდარის მხარეში სრულად გაანადგურა 96 სახლი, დაიტბორა თითქმის 5 200 შენობა, საცხოვრებლის გარეშე დარჩა 26 475 ადამიანი, მათ შორის, 6 330 ბავშვი. შემთხვევის ადგილიდან ევაკუირებულია 2 756 ადამიანი, რომელთაგან 126 ბავშვია. დაახლოებით 3 300 მოსახლემ მთლიანად დაკარგა ქონება, 18 ათასმა კი - ნაწილობრივ. ამ ინფორმაციას რუსეთის საგანგებო სიტუაციების სამინისტროს სამხრეთ რეგიონების ცენტრი ავრცელებს.

internet.ge