ფრანგი დეპუტატები საფრანგეთის მთავრობას საქართველოს ტერიტორიული მთლიანობის შესახებ პოზიციის დაფიქსირებას კიდევ ერთხელ სთხოვენ.

ამის შესახებ ქართველ ჟურნალისტებს პარლამენტის თავმჯდომარე დავით ბაქრაძესთან გამართული შეხვედრის შემდეგ, საფრანგეთის სენატის თავდაცვისა და უშიშროების კომიტეტის წევრმა, ნატალი გულემ განუცხადა.

მისი ინფორმაციით, სპიკერთან გამართულ შეხვედრაზე, საქართველოს ტერიტორიულ მთლიანობასა და დევნილთა მდგომარეობის საკითხებზე იმსჯელეს.

„საფრანგეთში დაბრუნების შემდეგ, სენატის საგარეო საქმეთა კომიტეტში  საკითხს დავაყნებთ, რომ საფრანგეთის მთავრობამ, საქართველოს ტერიტორიულ მთლიანობასთან დაკავშირებით, პოზიცია კიდევ ერთხელ დააფიქსიროს“, – დასძინა მან.

ამას გარდა, შეხვედრაზე, ალზასის რეგიონისა და საქართველოს რომელიმე რეგიონის, ასევე იონის დეპარტამენტისა და კახეთის დაძმობილების საკითხებზე ისაუბრეს.

internet.ge