საქართველოს პრეზიდენტმა მიხეილ სააკაშვილმა, ეუთოს საპარლამენტო ასამბლეის მიერ მიღებული რეზოლუცია შეაფასა. ქვეყნის პირველი პირის განცხადებით, ტერმინი „ოკუპაცია“, რომელიც რეზოლუციაში დაფიქსირდა, ოკუპირებული ტერიტოროების უკან დაბრუნების მყარი გარანტიაა.

ამის შესახებ პრეზიდენტმა,  ევროპის სახალხო პარტიის პრეზიდენტის, ვილფრიდ მარტენსისთან ერთად გამართულ პრესკონფერენციაზე გააკეთა.

სააკაშვილის თქმით, ქვეყნის უკან დაბრუნებას ცივილიზებულ სამყაროში გასავალი არ აქვს და ეს ევროპაში გამართულმა დებატებმა კარგად აჩვენა.

„საქართველოში არსებობენ ადამიანები, რომლებსაც არ მოსწონთ ტერმინ „ოკუპაციის“ გამოყენება, მაგრამ ეს არის მყარი გარანტია, რომ ოკუპირებული ტერიტორიების უკან დაბრუნება მოუწევთ. თავად საქართველო კი, უკან აღარასდროს დაბრუნდება“,- განაცხადა პრეზიდენტმა.

internet.ge