ამერიკის ეროვნულ-დემოკრატიული ინსტიტუტის კვლევების მიხედვით,  საქართველოს მოსახლეობის 22% საქართველოს მომავალ პრეზიდენტად კვლავ „ნაციონალური მოძრაობის“ კანდიდატი სურს.

NDI-იმ გამოკითხვის შედეგები დღეს, მედიის წარმომადგენლებს სასტუმრო „თბილისი მარიოტში“ გააცნო.

კითხვაზე -  „ვის ისურვებდით ყველაზე მეტად საქართველოს შემდეგ პრეზიდენტად?“, - 22% აცხადებს, რომ მას კვლავ „ნაციონალური მოძრაობის“ კანდიდატი სურს,  25% ამბობს, რომ პასუხი არ აქვს, ხოლო 20%-ს მიაჩნია, რომ „ქართული ოცნების“ კანდიდატის ხილვა უნდა.

რაც შეეხება უშაულოდ ლიდერებს, კვლევებით, გამოკითხულთა 6%-ს საქართველოს შემდეგ პრეზიდენტად კვლავ მიხეილ სააკაშვილი სურს,  2%-ს გიორგი თარგამაძე, 3%-ს კი, სხვა კანდიდატი.

შეგახსენებთ, რომ NDI-ის კვლევის საველე სამუშაოები 4 ივნისიდან 22 ივნისის პერიოდში ჩატარდა, რის ფარგლებშიც საქართველოს მასშტაბით 6,299 რესპონდენტი, პირისპირი ინტერვიუს სახით გამოიკითხა.

NDI-ის კვლევებს შვედეთის საერთაშორისო განვითარების თანამშრომლობის სააგენტო (Sida) აფინანსებს და კავკასიის კვლევითი რესურსების ცენტრი (CRRC) ატარებს. 

Internet.ge