ამერიკის ეროვნულ-დემოკრატიული ინსტიტუტის კვლევების მიხედვით,  ხვალ რომ საპარლამენტო არჩევნები ტარდებოდეს, მასში მონაწილეობას საქართველოს მოსახლეობის 75% მიიღებდა, შესაბამისად, არჩევნებში მონაწილეობაზე უარს 25% აცხადებს.

NDI-ს კვლევის მიხედვით, არჩევნებში მონაწილეობას თბილისში - გამოკითხულთა 75% მიიღებდა. კერძოდ, ისანში - 79%, სამგორში - 75%, საბურთალოში -  80%, ნაძალადევში - 78%, ხოლო გლდანში - 70%.

რაც შეეხება ქალაქებს, კვლევის მიხედვით, არჩევნებში მონაწილეობის მიღებას ქუთაისში გამოკითხული მოქალაქეების 66% აპირებს, რუსთავში - 65%, ბათუმში - 58%, ხოლო ფოთში - 74%.

ამასთან, კვლევებით, თელავის ოლქში არჩევნებში მონაწილეობას აპირებს გამოკითხულთა 69%, გორის ოლქში -59%, ზუგდიდის ოლქში - 70%, ქობულეთის ოლქში - 48%, სხვა ქალაქებში - 74%, ხოლო სოფლებში 82%.

Internet.ge