საქართველოს პრეზიდენტი კახეთში დღეს, საგანგებო შტაბის სხდომას გამართავს.
როგორც გუშინ, კახეთში ყოფნისას, მიხეილ სააკაშვილმა განაცხადა, სტიქიის შედეგად დაზარალებული მოსახლეობის დასახმარებლად ყველაფერი უნდა გაკეთდეს.
“რამდენიმე ათეული სახლი ხელახლაა ასაშენებელი, გასაკეთებელია გზები და სხვა პრობლემებია მოსაგვარებელი. ჩვენი შტაბი მუშაობას აგრძელებს. ჩვენი შეხვედრები გაგრძელდება. სტიქიის შედეგად კახეთს უზარმაზარი ზიანი მიადგა, ასობით მილიონზეა ლაპარაკი”,- განაცხადა სააკაშვილმა.
ქვეყნის პირველი პირის თქმით, დაზარალებულ მოსახლეობას, მთავრობა ყველანაირ დახმარებას გაუწევს.
internet.ge
