პრეზიდენტის პრესსპიკერის მანანა მანჯგალაძის განცხადებით, სტიქიის შედეგად დაზარალებული მოსახლეობა, კომპენსაციებს 15 აგვისტომდე მიიღებს.

ამის შესახებ განცხადება, მანჯგალაძემ დღეს გამართულ ტრადიციულ ბრიფინგზე გააკეთა.

მისი თქმით,  სასურსათო კალათა 28 000 ოჯახს უნდა მიეღო და ამ დროისთვის უკვე 14 000 ოჯახს მიღებული აქვს. პრეზიდენტის პრესსპიკერის ინფორმაციით, კახეთს 26 ივლისისთვის ენელექტოენერგიის მიწოდება სრულად აღუდგება.

„სავარაუდოდ, საკომპენსაციო თანხების დარიგება აგვისტოს პირველ რიცხვებში დაიწყება, 15 აგვისტოსთვის ეს პროცესი უკვე დასრულებული იქნება. საბიუჯეტო ცვლილებებით გათვალისწინებულია 160 მილიონი ლარის მობილიზება, საიდანაც 50 მილიონით სტიქიის შედეგების სალიკვიდაციოდ განსახორციელებელი გადაუდებელი ღონისძიებები დაფინანსდება“,- განაცხადა მანჯგალაძემ.

პრესსპიკერის განცხადებით, რეგიონში სულ 30 000 სახლი იყო დაზიანებული, ამ დროისათვის კი, 80%-ზე მეტს უკვე სარეაბილიტაციო სამუშაოები უტარდება.

Internet.ge