დაკავებულია ადამიანი, რომელმაც 18 ივლისს სირიის ნაციონალური უსაფრთხოების სამსახურის შენობასთან ბომბის აფეთქების შედეგად ძალოვანი მინისტრები იმსხვერპლა. ამის შესახებ სააგენტო „როიტერი“ წერს.

სირიელი პარლამენტარი მოჰამად ზახირ განუმი აცხადებს, რომ ტერორისტი სახელმწიფო უშიშროების სამსახურის შენობაში მუშაობდა, სადაც ტერაქტის დროს თათბირი მიმდინარეობდა. პოლიტიკოსი ამბობს, რომ მკვლელი სირიის მტრებმა დაიქირავეს, თუმცაღა „მთავრობა არ დაუშვებს, რომ აშშ-მა, ისრაელმა, თურქეთმა ან კატარმა შეასუსტონ სირიის უსაფრთხოება,“ - განაცხადა განუმმა, რომელმაც უარი თქვა სხვა დეტალების გამჟღავნებაზე.

მანამდე „როიტერი“ წერდა, რომ დამასკოში ტერაქტი მოაწყო პირმა, რომელიც ბაშარ ასადის უახლოეს თანამებრძოლებთან პირად დაცვაში მუშაობდა.

ბომბის აფეთქების შედეგად დაიღუპა თავდაცვისა და შს მინისტრი, დაზვერვის შეფი და ასევე რამდენიმე მაღალჩინოსანი ასადის უახლოესი გარემოცვიდან.

internet.ge