ბიძინა ივანიშვილის პრესსპიკერის მაია ფანჯიკიძის განცხადებით, „ქართულ ოცნებაში“ სტიქიით დაზარალებულთა დახმარებისთვის გამოყოფილი თანხების ხარჯვის მონიტორინგის ჯგუფები შეიქმნა.

ამის შესახებ განცხადება, ფანჯიკიძემ დღეს გამართულ პრესკონფერენციაზე გააკეთა.

მისი თქმით, სტიქიური უბედურება რომ არ მომხდარიყო, ივანიშვილი დაკისრებულ ჯარიმას არ გადაიხდიდა.

„სტიქიის შედეგად დაზარალდა ძალიან ბევრი ხალხი, მთავრობას კი, გაფლანგული აქვს სარეზერვო ფონდები. ივანიშვილმა ერთადერთი კანონიერი გზა იპოვა, რომ დახმარებოდა მოსახლეობას და სწორედ ამიტომ ბიუჯეტში გადარიცხა 80 მილიონი ლარი. აუცილებელია მოსახლეობამ იცოდეს, რომ ბიუჯეტს გაუჩნდა დაუგეგმავი 80 მილიონი ლარი და ეს ნიშნავს, რომ კომპენსაციების გაცემა შეიძლება დაიწყოს დღესვე ან ხვალვე“,- განაცხადა ფანჯიკიძემ.

Internet.ge