პარლამენტის თავმჯდომარე, დავით ბაქრაძის მტკიცებით, ქართული მხარე, არ დაუშვებს, რომ რუსეთმა, „ღია ცის“ ხელშეკრულება საკუთარი პოლიტიკური მიზნების შესრულებისთვის გამოიყენოს.

როგორც ჟურნალისტებს ბაქრაძემ განუცხადა, აღნიშნული „ღია ცის“ ხელშეკრულება ძალიან მნიშვნელოვანი სამხედრო–პოლიტიკური ხელშეკრულებაა, რომლის ნაწილიც საქართველოც გახლავს.

„წლების მანძილზე, ამ ხელშეკრულების მონაწილე ყველა წევრ სახელმწიფოსთან ძალიან კარგად ვთანამშრომლობდით და ვთანამშრომლობთ, მაგრამ ბუნებრივია, ჩვენ ვერ დავუშვებთ, რომ რუსეთმა, ეს ხელშეკრულება, საკუთარი პოლიტიკური მიზნების შესრულებისთვის გამოიყენოს. ამასთან, დაუშვებელია, რუსეთმა, ხელშეკრულება აფხაზეთთან და სამხრეთ ოსეთთან მიმართებაში, გარკვეული ლეგიტიმაციის მოსახდენად გამოიყენოს“, – დასძინა მან.

Internet.ge