კოალიცია „ქართული ოცნება“ „ნაციონალური მოძრაობის“ ინიციატივას დადებითად აფასებს და აცხადებს, რომ „ხსოვნის კვირეულის“ ფარგლებში წინასაარჩევნო კამპანიის შეწყვეტა გონივრულია.

როგორც „ინტერნეტ.ჯი“-ს ბიძინა ივანიშვილის პრესსპიკერმა მაია ფანჯიკიძემ განუცხადა, კოალიცია მმართველი გუნდის მოწოდებას უერთდება და 7-8 აგვისტოს წინასაარჩევნო აქტივობაზე უარს ამბობს.

მმართველი გუნდი, "ხსოვნის კვირეულთან" დაკავშირებით, 7-8 აგვისტოს წინასაარჩევნო კამპანიას წყვეტს. დღეს იმავეს გაკეთება „ნაციონალური მოძრაობის“ წევრმა მიხეილ მაჭავარიანმა ოპოზიციის წარმომადგენლებსაც შესთავაზა.

internet.ge