საქართველოს პარლამენტის თავმჯდომარე დავით ბაქრაძე დღეს, ერგნეთის ბლოკ-საგუშაგოზე იმყოფებოდა, სადაც საქართველოს დროშა დაუშვეს.

ბაქრაძე, შინაგან საქმეთა სამინისტროს განსაკუთრებულ დავალებათა სამმართველოს წარმომადგენლებს შეხვდა და მათ მადლობა გადაუხადა.

„დღეს ვიგონებთ ომში დაცემულ ყველა გმირს ასევე, სამხედროებს და მშვიდობიან მოსახლეობას. დღევანდელ დღეს, მინდა ყველა ჩვენს კოლეგას თუ ოპონენტს, განსაკუთრებით ვთხოვო: ვიდაოთ ნებისმიერ თემაზე, გაგვაკრიტიკეთ ნებისმიერ საკითხზე, გაგვლანძღეთ ჩვენ, მაგრამ ნუ გავლანძღვათ ჩვენს ქვეყანას, ნუ გავთელავთ ჩვენი დაღუპული გმირების ღირსებას და ნუ ვიტყვით, რომ ქართველები იყვნენ დამნაშავე“,- განაცხადა ბაქრაძემ.

მისი თქმით, ყველას საერთო ამოცანა საქართველოს რაც შეიძლება სწრაფად გაერთიანება უნდა იყოს.

Internet.ge