საქართველოს პრეზიდენტის მიხეილ სააკაშვილის განცხადებით, ომის დღეებში საქართველოს წინააღმდეგ მომართული ტანკებისა და ტყვიების პარალელურად, ტყუილის პროპაგანდაც მიმდინარეობდა.

ამის შესახებ განცხადება, პრეზიდენტმა დღეს, ახალციხეში ყოფნისას გააკეთა.

მისი თქმით, რუსული ტელეარხებით გადიოდა ქართული ტელევიზების მიერ გადაღებული კადრები, თუ როგორ იბომბებოდა საქართველოს ტერიტორია და საქართველოს მტრები ამბობდნენ, რომ ამას ქვეყნის მთავრობა აკეთებდა.

სააკაშვილის თქმით, მას რუს ხალხთან არანაირი პრეტენზია აქვს, მაგრამ მათ ხელმძღვანელობასთან არა მხოლოდ პრეტენზია აქვს, არამედ პრეზიდენტის თქმით, ისინი არიან თავი და თავი იმისა,  რაც მოხდა საქართველოსთან მიმართებაში.

ქვეყნის პირველი პირის განცხადებით, რუსეთისთვის პრეზიდენტის ფიზიკური განადგურება იყო სიმბოლო საქართველოს დაცემის.

„ისინი ვერ ჩათვლიან თავს გამარჯვებულად, სანამ საქართველოს იგივე მთავრობა ჰყავს“,- დასძინა პრეზიდენტმა.

 internet.ge