კოალიცია "ქართული ოცნების" საგარეჯოს მაჟორიტარი დეპუტატობის კანდიდატი თინათინ ხიდაშელი საგარეჯოს რაიონის, სოფელ იორმუღანლოში "ქართული ოცნების" აქტივს შეხვდა.

კოალიციის პრესსამსახურის ინფორმაციით, თინათინ ხიდაშელი სოფლის მაცხოვრებლებს არსებულ პრობლემებზე ესაუბრა.

მისი განცხადებით, მოსახლეობის აქტიურობა საგარეჯოს რაიონის აზერბაიჯანულ სოფლებში განსაკუთრებით აღსანიშნავია. პრობლემები, რომელიც დღეს ქართველ გლეხს აწუხებს კიდევ უფრო მეტი სიმძაფრით იგრძნობა უმცირესობებით დასახლებულ სოფლებში.

თინათინ ხიდაშელმა სოფელ იორმუღანლოს მოსახლეობასთან ერთად წინასაარჩევნო ღონისძიებები დაგეგმა. დაგეგმილია იორმუღანლოში ქართულო ოცნების ოფისის გახსნაც.

internet.ge