ცენტრალური საარჩევნო კომისიის თავმჯდომარე ზურაბ ხარატიშვილმა საარჩევნო ბლოკი ”ბიძინა ივანიშვილი - ქართული ოცნება" რეგისტრაციაში გაატარა.

დარეგისტრირების პროცედურაზე ცესკო განმარტებას აკეთებს:

„მნიშვნელოვნია აღინიშნოს, რომ ზოგიერთ დაინტერესებულ მხარეს ჰქონდა გარკვეული მოლოდინი  რეგისტრაციის პროცესში ბლოკისათვის რიგითი ნომრის მინიჭების თაობაზე. 

ცესკო განმარტავს, რომ აღნიშნული საკითხი რეგულირდება საქართველოს საარჩევნო კანონმდებლობით და სცილდება ცესკოს თავმჯდომარის უფლებამოსილებას“,- აღნიშნულია გაბნცხადებაში.

რაც შეეხება დღეს დარეგისტრირებულ ბლოკს, მასში გაერთიანებული არიან შემდეგი პოლიტიკური გაერთიანებები (პარტიები): პ/გ ”ქართული ოცნება-დემოკრატიული საქართველო”; ”საქართველოს კონსერვატიული პარტია”; პ/მ ”მრეწველობა გადაარჩენს საქართველოს"; ”საქართველოს რესპუბლიკური პარტია”; პ/გ ”ჩვენი საქართველო - თავისუფალი დემოკრატები”; პ/გ ”ეროვნული ფორუმი”.

internet.ge