"ნაციონალურმა მოძრაობამ" 8 წლის განმავლობაში დაამტკიცა, რომ საქმის გაკეთება შეუძლია"- აღნიშნული განცხადება დღეს „პრაიმ-ტაიმის“ პრესკლუბში მმართველი გუნდიდან კრწანისის მაჟორიტარობის კანდიდატმა დავით საყვარელიძემ გააკეთა.

„ჩვენ დავამტკიცეთ, რომ საქმის კეთება შეგვიძლია.  რვა წლის წინანდელი და დღევანდელი ქვეყანა ცა და დედამიწასავით განსხვავდება ერთმანეთისაგან,“- განაცხადა „ნაციონალური მოძრაობის“ წევრმა.

მისი თქმით, მთავარი, რაც შეიძლება წინასაარჩევენოდ ამომრჩეველს დაჰპირდე ისაა, რომ არასდროს მოატყუებ მას.

„ეკონომიკური ზრდის ტემპი, რომელიც ქვეყანაშია, თბილისის თითოეულ რაიონზეც აისახება. რაც შეეხება კონკრეტულად კრწანისს, ამ რაიონს ტურიზმის კუთხით დიდი პერსპექტივები აქვს, რადგან ყველაზე მეტი ტურისტი სწორედ აქ მოდის", - განაცხადა საყვარელიძემ.

რაც შეეხება ჟურნალისტების კითხვას თუ ვის მიიჩნევს საყვარელიძე მთავარ კონკურენტად მმართველი გუნდის წევრი ამბობს, რომ

საპარლამენტო არჩევნებში კონკურენტად არა კონკრეტულ პიროვნებას, არამედ რაიონში გასაკეთებელ საქმეს მიიჩნევს.

Internet.ge