„მე ისეთ პრემიერ-მინისტრად მოვიაზრები, რომელიც ახალი კონსტიტუციით პირველი პირი იქნება. თუ "ნაციონალური მოძრაობა" სწორედ ისეთ პრემიერ-მინისტრობის კანდიდატს დაასახელებს, რომელიც მომავალში ქვეყნის პირველი პირი იქნება, მე მას აუცილებლად დავუჯდები დებატებში“,- აღნიშნული განაცხადება კოალიცია „ქართული ოცნების“ ლიდერმა მმართველი პარტიის განცხადების კომენტირებისას გააკეთა, რომლის მიხედვითაც „ნაციონალური მოძრაობის“ სიის პირველი და მეორე ნომრები ივანიშვილთან დებატებისთვის მზად არიან.

„დავით ბაქრაძესთან  დებატი საინტერესო არ იქნება, რადგან დღემდე ვერ გავარკვიე ამ კაცს რეალურად რა ევალება. რაც შეეხება ვანო მერაბიშვილს – ის წლების განმავლობაში თავად იყო პრემიერ-მინისტრების უფროსი  და მათ თავად ნიშნავდა. გამომდინარე აქიდან, ეს დებატები უინტერესო გამოვა. მე დავუჯდები მიხეილ სააკაშვილს, მაგრამ ზუსტად ვიცი, ის ამ შეთავაზებაზე უარს იტყვის“,- აღნიშნა ივანიშვილმა.

Internet.ge