„ასადის ხელისუფლების მიერ ქიმიური იარაღის გამოყენება, შესაძლოა, სწორედ ის ნაბიჯი გახდეს, რომელიც ამერიკის შეერთებულ შტატებს სირიის კონფლიქტში ჩარევას აიძულებს“, - განცხადება ამის შესახებ ბარაკ ობამამ გააკეთა.
შეერთებული შტატების პირველმა პირმა კიდევ ერთხელ გააფრთხილა სირიის ლიდერი, არ გამოიყენოს ქვეყანაში ქიმიური იარაღი. თეთრ სახლში გამართული ბრიფინგისას ბარაკ ობამამ აღნიშნა, რომ ქიმიური იარაღის გამოყენების შემთხვევაში, კონფლიქტი სირიის საზღვრებს გაცდება.
„ის შეეხება ჩვენ პარტნიორებს რეგიონში, მათ შორის ისრაელსაც, მაშასადამე შეგვეხება ჩვენც“, - განაცხადა ბარაკ ობამამ.
სირიას მსოფლიოში სიდიდით მეოთხე ქიმიური იარაღის არსენალი აქვს. რამდენიმე თვის წინ ასადის რეჟიმის საგარეო საქმეთა მინისტრმა განაცხადა, რომ არსენალს ქვეყნის ტერიტორიაზე არასოდეს გამოიყენებენ.
internet.ge
