„ერთიანი ნაციონალური“ მოძრაობის თბილისის საქალაქო ორგანიზაციის თავმჯდომარე გიგი უგულავა, დიდუბის მაჟორიტარობის კანდიდატ გიორგი ჩაჩანიძესთან ერთად ცნობილმა მოქანდაკე  მერაბ მერაბიშვილმა საკუთარ სახელოსნოში მიიწვია.

მოქანდაკემ „ნაციონალური მოძრაობის“  კანდიდატი დადებითად დაახასიათა.

სახელოსნოს დათვალიერების შემდეგ გიგი უგულავამ მაჟორიტარობის კანდიდატი აგლაძის ქუჩაზე შეკრებილ მოსახლეობას წარუდგინა.

თბილისის მერის განცხადებით, საქართველო დღეს ბევრად უკეთესი ქვეყანაა, ვიდრე „ვარდების რევოლუციამდე“ იყო.

„დიდუბეს ძალიან დიდი პოტენციალი აქვს, ვითარდება თითოეული ის სამრეწველო უბნები, რომლებიც 90-იან წლებში გაჩერდა. უბანში სამშენებლო პროცესი აქიურად მიმდინარეობს, რაც ძალიან დადებითად აისახება თითოეული დიდუბელის ცხოვრებაზე“,- განაცხადა უგულავამ.

მისი თქმით, თითიეული კანდიდატის ვალია იმუშაოს ბევრი. 

„პირადად ჩემი და ყველა წარდგენილი კანდიდატის ვალია დავიკაპიწოთ ხელები და ვიმუშავოთ იმისთვის, რომ ხალხმა მეტი სარგებელი ნახოს. თბილისი უნდა იყოს რეალიზებული შესაძლებლობების ქალაქი. პირველ რიგში მოქალაქეს უნდა ჰქონდეს სამსახური“,- განაცხადა თბილისის მერმა.

თავის მხრივ, ჩაჩანიძემ აღნიშნა, რომ მისი არჩევის შემთხვევაში ჯანდაცვის და დაზღვევის პროგრამების გარდა მოსახლეობის დასაქმებისთვის იზრუნებს. 

internet.ge