„იმ ამომრჩევლებიდან,  რომლებიც სავარაუდოდ აპირებენ არჩევნებში მონაწილეობის მიღებას "ერთიანი ნაციონალური მოძრაობა“ 55-33% უპირატესობით უსწრებს წამყვან ოპოზიციურ პარტია - "ქართულ ოცნება“-ს", - აღნიშნული კვლევა საერთაშორისო კვლევით ცენტრს - "გრინბერგ ქუინლან როზნერს" ეკუთვნის, რომლის მიხედვითაც,  "ერთიანი ნაციონალური მოძრაობა“ ხმების 46%-ს იღებს  ყველა ამომრჩეველს შორის. "ქართული ოცნება“ -  24%-ს და "ქრისტიან-დემოკრატიული მოძრაობა“ (ქდმ) - 5%-ს, "ახალი მემარჯვენეები“ - 3%-ს, "ლეიბორისტული პარტია“ კი - 1%-ს.

იმ  ამომრჩევლებს შორის, რომლებიც სავარაუდოდ აპირებენ არჩევნებში მონაწილეობის მიღებას (რომელიც შერჩეულთა 58%-ს წარმოადგენს), "ერთიანი ნაციონალური მოძრაობა“ ამომრჩეველთა ხმების 47%-ს იღებს, ხოლო "ქართული ოცნება“ 26%-ს.

რაც შეეხება, გამოკითხულთა იმ ნაწილს, რომლებსაც არჩევნებში მონაწილეობა ჯერ არ გადაუწყვეტიათ აქ ხმები ასე გადანაწილდა: "ერთიანი ნაციონალური მოძრაობა“ ხმების 55%-ს იღებს, "ქართული ოცნება“  – 33%-ს და ქდმ 5%-ს.

კითხვაზე: თქვენი აზრით, ზოგადად ქვეყანაში მოვლენები ვითარდება სწორი მიმართულებით თუ თვლით, რომ მოვლენები ვითარდება არასწორი მიმართულებით?

51- მა უპასუხა რომ ქვეყანაში მოვლენები სწორი მიმართულებით ვითარდება. უარყოფითი პასუხი ჰქონდა 31%-ს.

ცნობისთვის, კვლევის შედეგები დღეს მმართველმა პარტიამ გამოაქვეყნა. კვლევის დამკვეთიც თავადაა.

აღნიშნული კვლევა საქართველოს მთელს ტერიტორიაზე ჩატარდა. გამოიკითხა 1 500 რესპოდენტი.

ამასთან, როგორც კვლევის ავტორები აცხადებენ,  ეს შედეგები სრულიად შეესაბამება NDI-სა და IRI-ს მიერ ჩატარებულ კვლევებს,  რომელთა მიხედვითაც "ერთიან ნაციონალურ მოძრაობა“-ს მნიშვნელოვანი ორნიშნა უპირატესობა აქვს.

Internet.ge