კოალიცია „ქართული ოცნება“ „გრინბერგ ქუინლან როზნერის“ კვლევას, რომლის მიხედვითაც „ნაციონალური მოძრაობა“ 55%-ით უსწრებს  „ქართულ ოცნებას“, არ ენდობა და კვლევას მიკერძოებულს უწოდებს.

„კვლევებზე კომენტარს არ ვაკეთებთ, ჩემთვის იმითაც ყველაფერი ნათელია, რომ აღნიშნული კვლევა „ნაციონალური მოძრაობის“ დაკვეთით ჩატარდა“ - განუცხადა „ინტერნეტ.ჯი“-ს ბიძინა ივანიშვილის პრესსპიკერმა.

კითხვაზე, იყო თუ არა ობიექტური პენშონ ბერლანდის მიერ ჩატარებული კვლევა, რომელიც ორგანიზაციას ბიძინა ივანიშვილმა დაუკვეთა, ფანჯიკიძემ კომენტარის გაკეთება არ ისურვა.

შეგახსენებთ, რომ გამოკითხვა მთელი საქართველოს მასშატბით 1-6 აგვისტოს ჩათვლით ჩატარდა და სულ 1500 ადამიანი გამოიკითხა. გამოკითხვის ყველა პუნქტში მმართველი პარტია ლიდერობს.

internet.ge