ბიძინა ივანიშვილი ონელ ამომრჩეველს ხე-ტყის გადამამუშავებელი ქარხანის აშენებას დაჰპირდა. როგორც „ქართული ოცნების“ ლიდერმა მოსახლეობასთან საუბრისას აღნიშნა, ონში ხე-ტყის გადამამუშავებელი ქარხანა უნდა გაიხსნას.

„მორების გაზიდვა არ უნდა ხდებოდეს ონიდან, რაც მთავარია ამ ტყიდან ადგილობგრივმა მოსახლრეობამ უნდა მიიღოს სარგებელი. აქ ინვესტიციები იოლად უნდა შემოვიდეს“,- აღნიშნა ივანიშვილმა.

ამასთან, მოსახლეობასთან შეხვედრაზე როგორც გაირკვა, ივანიშვილი საჩხერე-რაჭის შემოვლითი გზის მშენებლობასაც გეგმავს.

„ჩემი ოცნებაა იმერეთი და რაჭა საჩხერე-რაჭის შემოვლითი გზით დაუკავშირდეს ერთმანეთს“,- განმარტა „ქართული ოცნების“ ლიდრერმა.

შეგახსენებთ, რომ დღეს კოალიცია „ქართული ოცნების“ ლიდერი ბიძინა ივანიშვილი რაჭის მოსახლეობას ხვდება. 18:00 საათზე კი „ქართული ოცნების“ აქცია ამბროლაურში გაიმართება.

Internet.ge