ცესკოს უახლესი მონაცემებით, 26 მაჟორიტარულ ოლქში "ქართული ოცნება" ლიდერობს. 25- ში კი მმართველი პარტია.

ვიქტორია ნულანდის განცხადებით, ამერიკის სახელმწიფო დეპარტამენტი კვლავაც მხარს უჭერს გამჭვირვალე, სამართლიან და თავისუფალ არჩევნებს საქართველოში.

საქართველოს მასშტაბით საპარლამენტო არჩევნები დასრულდა. საარჩევნო უბნების დახურვის შემდეგ პირველი კომენტარი საქართველოს პრეზიდენტმა მიხეილ სააკაშვილმა გააკეთა. ქვეყნის პირველი პირის შეფასებით, არჩევნები შედგა.

ცენტრალური საარჩევნო კომისიის პირველადი მონაცემებით, საპარლამენტო არჩევნებში 51,62%-ით საარჩევნო ბლოკი „ბიძინა ივანიშვილი - ქართული ოცნება“ ლიდერობს. მეორე ადგილზეა „ერთიანი ნაციონალური მოძრაობა – მეტი სარგებელი ხალხს“, რომელსაც ამომრჩეველთა 43,85%-მა დაუჭირა მხარი.

მაჟორიტარულ არჩევნებში დამარცხება უკვე აღიარეს "ნაციონალური მოძრაობის" კანდიდატებმა - გიორგი კარბელაშვილმა და არჩილ გეგენავამ, რომელმაც არჩევნებში გამარჯვება პირადად მიულოცა ზაზა პაპუაშვილს.

ამ დროისთვის ოფისში იმყოფებიან უშიშროების საბჭოს მდივანი გიგა ბოკერია, ჯანდაცვის მინისტრი ზურაბ ჭიაბერაშვილი და საპარლამენტო უმრავლესობის წევრი გივი თარგამაძე.

მე ვაღიარებ დამარცხებას, მაგრამ ეს კიდევ უფრო დიდ სტიმულს მაძლევს იმისთვის, რომ მეტი მონდომებით და ჟინით ვიბრძოლო ერთიანი, ძლიერი და თავისუფალი საქართველოსთვის, - განაცხადა კარბელაშვილმა.

როგორც „ინტერნეტ.ჯი“–ს წიკლაურმა განუცხადა, არჩევნების ფალსიფიცირებულად გამოცხადების არანაირი საფუძველი არ არსებობს.

როგორც ჟურნალისტებს მინაშვილმა განუცხადა, საბოლოო შდეგებზე საუბარი ნაადრევია, რადგან ცესკოს მონაცემები არ გამოქვეყნებულა. ეგზიტპოლების შედეგებით კი, ‘’ნაციონალური მოძრაობის" მაჟორიტარებმა მაღალი მაჩვენებელი მიიღეს.

მმართველი გუნდის წევრის, დავით დარჩიაშვილის განცხადებით, მოსალოდნელია, რომ ეგზიტპოლების შედეგების მიხედვით, იმ 32 პროცენტში, რომელთაც საკუთარი პოზიციის დაფიქსირებისაგან თავი შეიკავა, ‘’ბევრი ნაციონალური" მოძრაობის მხარდამჭერი იყოს.