სმოლენსკში მომხდარი ავიაკატასტროფიდან, დღეს ორი წელი შესრულდა. კატასტროფის წლისთავთან დაკავშირებით, ქვეყნის მასშტაბით სხვადასხვა ღონისძიებებია დაგეგმილი. პრეზიდენტ ლეხ კაჩინსკის და მასთან ერთად დაღუპულ ეკიპაჟის სხვა წევრებს, ტრაგედიის ადგილზეც გაიხსენებენ.  ღონისძიებები ჩატარდება კატინსა და ვარშავაში.

დღესვე, ლეხ და მარია კაჩისნკებს თბილისში, კათოლიკურ ეკესიაში მოსახსენიებელ პანაშვიდს გადაუხდიან.

შეგახსენებთ, პოლონეთის პრეზიდენტის, ლეხ კაჩინსკის თვითმფრინავმა 2010 წლის 10 აპრილს სმოლენსკთან განიცადა ტრაგედია. ბორტზე იმყოფებოდა 96 ადამიანი, - ქვეყნის პრეზიდენტი და უმაღლესი თანამდებობის პირების დიდი ურავლესობა. 

სახელმწიფოთაშორისო საავიაციო კომიტეტმა 2011 წლის 12 იანვარს გამოაქვეყნა ტექნიკური გამოძიების შედეგებზე დაფუძნებული დასკვნა, რომლის თანახმადაც კატასტროფის მიზეზი იყო ეკიპაჟის გადაწყვეტილება, არ გამოეყენებინათ სარეზერვო აეროდრომი, კატასტროფის სისტემურ მიზეზად კი ფრენების უზრუნველყოფაში აღმოჩენილი ნაკლოვანებები  და არასათანადოდ მომზადებული ეკიპაჟი დასახელდა.

Internet.ge